|

THIRRJE PËR ABSTRAKTE

 

MIRËSEARDHJA

SHUKALB dhe SHUKOS kanë kënaqësinë t’ju ftojnë të bashkoheni me ne në Konferencën dhe Ekspozitën e 13-të të Përbashkët Ballkanike, e cila do të zhvillohet në datat 11 – 13 Nëntor 2025, në qytetin bregdetar të Durrësit, në Shqipëri, në Grand Blue Fafa Resort.

Tema e konferencës së këtij viti “Menaxhimi i qëndrueshëm i ujit përballë ndryshimeve klimatike”, adreson një nga sfidat më urgjente mjedisore të kohës tonë. Ndryshimet klimatike tashmë po ndikojnë në mënyrë të drejtpërdrejtë në disponueshmërinë, cilësinë, dhe shpërndarjen e ujit, duke prishur ekosistemet dhe kërcënuar qëndrueshmërinë e komuniteteve në të gjithë rajonin.

Menaxhimi i qëndrueshëm i ujit po bëhet gjithnjë e më i rëndësishëm ndërsa vendet e Ballkanit bëhen më të prekshme ndaj efekteve të ndryshimeve klimatike, duke përjetuar ngjarje më të shpeshta ekstreme të motit. Në të njëjtën kohë, shumë Kompani Ujësjellës Kanalizime (UK) në rajon vazhdojnë të përballen me sisteme të vjetëruara, humbje të mëdha të ujit dhe kapacitete të kufizuara për t’iu përgjigjur këtyre sfidave, duke e bërë më të vështirë ofrimin e shërbimeve të furnizimit me ujë dhe ujërave të ndotur.

Ndërsa vendet e Ballkanit shkojnë drejt integrimit në BE, kompanitë UK përballen me një provë kritike: Përmbushjen e direktivave të BE-së për ujin dhe ndyshimet klimatike. Kompanitë UK duhet të kuptojnë dhe të përshtaten me një sërë rregullash të reja, të modernizojnë infrastrukturën e vjetëruar në përputhje me standarde të larta mjedisore dhe të sigurojnë investime të konsiderueshme për të mbështetur këto ndryshime. Nga ana tjetër, kalimi drejt teknologjive të përparuara dhe praktikave të qëndrueshme ndaj klimës kërkon aftësi të reja, institucione më të forta dhe kapacitete më të mëdha operacionale. Duke u përballur me këto sfida drejtpërdrejt, kompanitë UK mund t’i shndërrojnë këto presione në progres dhe aftësi për t’u përshtatur me një klimë që ndryshon me shpejtësi.

Ndër vite, Konferenca e Përbashkët Ballkanike ka fituar një reputacion për ofrimin e një programi me përmbajtje me cilësi të lartë, siç pasqyrohet edhe në komentet e vazhdueshme pozitive nga pjesëmarrësit. Edhe për këtë vit, ne ju inkurajojmë të rishikoni temat dhe fushat kryesore të programit dhe të kontribuoni duke paraqitur një abstrakt për prezantim.

Ju mirëpresim në Nëntor në Durrës, për të punuar së bashku drejt një të ardhmeje më të qëndrueshme të ujit në rajonin e Ballkanit.

KOMITETI TEKNIK I PROGRAMIT

Për më shumë informacion rreth Komitetit Teknik të Programit, ju lutemi shikoni “KOMITETI TEKNIK”, linku i faqes këtu.

TEMAT KRYESORE TË KONFERENCËS

Përpara dorëzimit të Prezantimit në PowerPoint që do të mbahet në Konferencë dhe Punimit të Plotë, autorët duhet të dorëzojnë një abstrakt bazuar në temat e paraqitura si më poshtë. Këto abstrakte do të vlerësohen nga Komiteti Teknik i Programit. Autorët e abstrakteve të përzgjedhura do të ftohen të sjellin punimin e tyre final dhe prezantimin në PowerPoint. Jeni të ftuar të paraqisni abstraktin tuaj duke përfshirë por jo duke u kufizuar në temat e mëposhtme:

QEVERISJA DHE POLITIKAT PËR SHOQËRITË UK

  • Zhvillimi i Politikave për Qeverisjen e Shoqërive UK dhe Marrëdhëniet Institucionale.
  • Përzgjedhja, Krijimi dhe Funksionimi i Bordeve Mbikëqyrëse.
  • Drejtimi Menaxherial i Shoqërive dhe Organizimi Strukturor.
  • Rajonalizimi i Shërbimeve UK dhe Zbatimi i Marrëveshjeve për Sigurimin e Shërbimit.
  • Qeverisja e Korporatave.
  • Partnerite Publik Privat.
  • Marrëdhënia midis Shoqërive UK dhe Pushtetit Vendor.
  • Menaxhimi i Sistemeve Rurale.
  • Masat e ndërlidhura me pandeminë (COVID-19).

KUADRI RREGULLATOR

  • Licencimi i Shoqërive UK.
  • Procesi i Shqyrtimit dhe Miratimit të Tarifave.
  • Analiza e Performancës së Shoqërive UK.
  • Zhvillimi dhe Aplikimi i Standardeve të Shërbimit.

MENAXHIMI I INFRASTRUKTURËS SË FURNIZIMIT
ME UJË DHE KANALIZIMEVE

  •  Kapacitetet për Thithjen e Investimeve Kapitale në Vendet në Zhvillim.
  • Metodat e Vlerësimit të Situatës Aktuale dhe Prioritizimi i Nevojave të Investimeve.
  • Zhvillimi i Masterplaneve Dinamike.
  • Monitorimi i Investimeve dhe Qëndrueshmëria e tyre në kohë.

MENAXHIMI I BURIMEVE UJORE

  • Ndryshimet Klimaterike.
  • Balancimi i Kërkesës për Ujë me Zhvillimin e Burimeve të Reja.
  • Menaxhimi i Integruar i Burimeve Ujore.
  • Monitorimi dhe Mbrojtja e Burimeve Ujore.
  • Ujërat Ndërkufitare.
  • Menaxhimi i Thatësirave dhe Përmbytjeve.

MENAXHIMI FINANCIAR I SHOQËRIVE UK

  • Burimet e Financimit dhe Politika e Subvencioneve.
  • Menaxhimi i Riskut Financiar.
  • Hartimi, Zbatimi dhe Monitorimi i Planeve 5 vjeçare të Biznesit.
  • Raportimi Financiar për të Mbështetur Përmirësimin e Performancës.
  • Instrumentet për Kontrollin e Brendshëm.
  • Menaxhimi i Borxhit

MENAXHIMI I OPERIMIT DHE MIRËMBAJTJES NË SHOQËRITË UK

  • Vlerësimi i Analizës së Kërkesës për Ujë.
  • Praktikat e Matjes së Konsumit të Ujit.
  • Zvogëlimi i Humbjeve të Ujit, Praktika dhe Përvoja.
  • Planifikimi Inxhinierik dhe Dixhitalizimi i Zonës së Shërbimit (GIS).
  • Aplikimi i Modeleve Hidraulike, Praktika dhe Përvoja.
  • Rritja e Përdorimit të Sistemit SCADA, për Operimin e Sistemeve të Ujësjellësave.
  • Menaxhimi i Sigurisë së Ujit dhe Krizave.
  • Benchmarking.
  • Eficenca e Energjisë në Shoqëritë UK.
  • Menaxhimi i Integruar i Aseteve të Shoqërisë.
  • Siguria dhe Shëndeti në Punë.

MENAXHIMI I UJIT TË NDOTUR DHE LLUMIT

  • Uji i Ndotur në Kontekstin e Ekonomisë Qarkulluese.
  • Qeverisja dhe Politikat për Ujin e Ndotur.
  • Ndërtimi dhe Operimi i Impianteve të Trajtimit të Ujit të Ndotur.
  • Sistemet dhe Sfidat e Ndërtimit të Impianteve të Trajtimit të Ujit të Ndotur.
  • Zgjedhja e Teknologjisë së Trajtimit për Sistemet e Vogla dhe Rurale.
  • Trajtimi i Llumit dhe Ripërdorimi.
  • Përdorimi i Llumit për Prodhimin e Energjisë

SHËRBIMI NDAJ KLIENTIT

  •  Eficenca Komerciale.
  • Organizimi dhe Funksionimi i Departamentit të Shërbimit me Klientin.
  • Menaxhimi i Bazës së të Dhënave të Konsumatorit.
  • Kontratat e Shërbimit me Klientin.
  • Menaxhimi i Marrëdhënieve dhe Komunikimit me Publikun.
  • Përdorimi i GIS për Menaxhimin e Ankesave të Klientëve.
  • Zbatimi i Politikave për Ndërprerjen e Shërbimit në rast Mospagese.

MENAXHIMI I BURIMEVE NJERËZORE 

  • Menaxhimi i Burimeve Njerëzore dhe Politika e Punësimit.
  • Vlerësimi i Nevojave për Trajnime dhe Zhvillimi i Kapaciteteve.
  • Trajnimi dhe Certifikimi i Bazuar në Testim.
  • Vlerësimi Vjetor i Performancës së Punës së Stafit.

AFATET KRYESORE 

Dorëzimi i Abstrakteve:
Pranimi / Konfirmimi i Abstrakteve:     
Programi i Avancuar:
Dorëzimi i Biografisë të Shkurtër Profesionale:
Dorëzimi i Prezantimeve powerpoint:
Dorëzimi i Punimeve finale:

12 Shtator 2025
26 Shtator 2025
24 Tetor 2025

27 Tetor 2025
27 Tetor 2025
24 Nëntor 2025


Konferenca do të zhvillohet në shqip dhe anglisht.

Përkthimi simultan do të sigurohet përgjatë gjithë ditëve të organizimit të saj.

UDHËZIME TË PËRGJITHSHME MBI ABSTRAKTET

Për më shumë informacion rreth udhëzimeve të përgjithshme mbi abstraktet, ju lutemi shikoni “RREGULLA DHE UDHËZIME”, linku i faqes këtu.