Në emër të SHUKALB dhe SHUKOS, kemi kënaqësinë t’ju ftojmë të merrni pjesë në Konferencën dhe Ekspozitën tonë të 13-të të Përbashkët Ballkanike që do të mbahet në 11 – 13 nëntor 2025, në qytetin bregdetar të Durrësit, në Shqipëri, në ambientet e Grand Blue Fafa Resort.
Tema e konferencës së këtij viti “Menaxhimi i qëndrueshëm i ujit përballë ndryshimeve klimatike”, adreson një nga sfidat më urgjente mjedisore të kohës tonë. Ndryshimet klimatike tashmë po ndikojnë në mënyrë të drejtpërdrejtë në disponueshmërinë, cilësinë, dhe shpërndarjen e ujit, duke prishur ekosistemet dhe kërcënuar qëndrueshmërinë e komuniteteve në të gjithë rajonin.
Menaxhimi i qëndrueshëm i ujit po bëhet gjithnjë e më i rëndësishëm ndërsa vendet e Ballkanit bëhen më të prekshme ndaj efekteve të ndryshimeve klimatike, duke përjetuar ngjarje më të shpeshta ekstreme të motit. Në të njëjtën kohë, shumë Kompani Ujësjellës Kanalizime (UK) në rajon vazhdojnë të përballen me sisteme të vjetëruara, humbje të mëdha të ujit dhe kapacitete të kufizuara për t’iu përgjigjur këtyre sfidave, duke e bërë më të vështirë ofrimin e shërbimeve të furnizimit me ujë dhe ujërave të ndotur.
Ndërsa vendet e Ballkanit shkojnë drejt integrimit në BE, kompanitë UK përballen me një provë kritike: Përmbushjen e direktivave të BE-së për ujin dhe ndyshimet klimatike. Kompanitë UK duhet të kuptojnë dhe të përshtaten me një sërë rregullash të reja, të modernizojnë infrastrukturën e vjetëruar në përputhje me standarde të larta mjedisore dhe të sigurojnë investime të konsiderueshme për të mbështetur këto ndryshime. Nga ana tjetër, kalimi drejt teknologjive të përparuara dhe praktikave të qëndrueshme ndaj klimës kërkon aftësi të reja, institucione më të forta dhe kapacitete më të mëdha operacionale. Duke u përballur me këto sfida drejtpërdrejt, kompanitë UK mund t’i shndërrojnë këto presione në progres dhe aftësi për t’u përshtatur me një klimë që ndryshon me shpejtësi.
Konferenca dhe Ekspozita e Përbashkët Ballkanike është konsoliduar si një event kryesor për ndarjen e njohurive dhe rrjetëzimin brenda sektorit të ujit në Ballkanin Perëndimor. Ajo mirëpret mbi 500 pjesëmarrës nga Rajoni i Ballkanit, Evropa dhe nga e gjithë bota. Konferenca ofron një platformë dinamike për profesionistët e ujit, politikëbërësit dhe ekspertët e industrisë për t’u angazhuar në dialog kuptimplotë, për të shkëmbyer ekspertizë dhe për të ndarë praktikat më të mira. Kjo frymë bashkëpunimi nxit inovacionin dhe përparimin në sektorin ujësjellës kanalizime, si në nivel rajonal ashtu edhe global.
Paralelisht me programin teknik, do të organizohet edhe një Ekspozitë e gjerë e Pajisjeve, Teknologjive dhe Shërbimeve, e cila do të prezantojë zgjidhje dhe inovacione nga kompani lidere në sektorin e ujit në Ballkan. Kjo do t’i mundësojë pjesëmarrësve të eksplorojnë zhvillimet më të fundit për përballjen me sfidat e klimës dhe përmirësimin e menaxhimit të ujit.
Ju mirëpresim në Konferencën tonë të Përbashkët, ku do të bashkojmë forcat për të përparuar drejt një të ardhmeje më të qëndrueshme të ujit për rajonin e Ballkanit, përballë sfidave të klimës në ndryshim.
Shoqata Ujësjellës Kanalizime e Shqipërisë (SHUKALB), e themeluar në vitin 2000, është një Shoqatë profesionale, jofitimprurëse e profesionistëve në sektorin e furnizimit me ujë dhe kanalizimeve, e cila synon te përmirësojë menaxhimin e Sektorit të Furnizimit me Ujë dhe Kanalizimeve në Shqipëri, për ta bërë atë më efiçent, të qëndrueshëm dhe efektiv në përputhje me ligjet dhe rregulloret në fuqi në Shqipëri. Shoqata është e regjistruar sipas ligjit në Gjykatën e Tiranës.
Vizioni i SHUKALB është “të njihet si Lider i Afirmuar në avancimin e cilësisë së performancës dhe qëndrueshmërisë në sektorin e ujit”.
Objektivat e Misionit:
Mbrojtja e interesave kolektive të profesionistëve të sektorit të ujit në Shqipëri;
Lider në shërbimin si burim njohurish, zhvillim profesional dhe network;
Investim në kohë dhe burime për rritjen e ndërgjegjësimit dhe tërheqjen e brezit të ri për të zhvilluar karrierën e tyre profesionale në sektorin e ujit;
Një forcë pozitive për nxitjen e mirëkuptimit, bashkëpunimit dhe partneritetit rajonal në Ballkanin Perëndimor.
Shoqata e Ujësjellësve dhe Kanalizimit të Kosovës (SHUKOS), e regjistruar si Asociacion jo i inkorporuar, joprofitabil i anëtarëve dhe themelues të saje që janë Kompanitë Rajonale të Ujësjellësit–SHA dhe Njësitë Operative, komfor Ligjit Nr. 03/L-134 të Republikës së Kosovës. SHUKOS ka pasur një rritje mjaft të mirë të aktiviteteve gjatë pesëmbëdhjetë vjeçarit të parë të tij, dhe është sot një institucion shumë i respektuar profesionalisht, si brenda ashtu edhe jashtë vendit.
Qëllimi i SHUKOS-it është të veprojë si një lidhje në mes të anëtarëve të saj për të zhvilluar, promovuar dhe mbrojtur interesat e përbashkëta të sektorit të ujit dhe ujërave të zeza, drejt krijimit të një sektori financiarisht të qëndrueshëm dhe të aftë për të çuar përpara bazat e përgjithshme në fushën e tyre të punës.
Objektivat e Misionit:
Mbrojtja e interesave të sektorit të ujit në Kosovë, përmes zhvillimit profesional dhe krijimit të rrjeteve qe të zhvillojë dhe avokoj për interesat e anëtarëve.
Të jetë Lider në shërbim, Lidershipi të shërbejë si një burim kryesor për dituri;
Të investoj kohë dhe burime për të ndërtuar vetëdijen dhe për të tërhequr brezat e rinjë për të zhvilluar një karrierë në sektorin e ujit;
Të jetë një forcë shtytëse për mirëkuptim të ndërsjellë, drejt bashkëpunimit dhe partneriteteve rajonale në Ballkanin Perëndimor dhe më gjerë.
Regjistrimi me tarifa të ulëta deri:
Dorëzimi i Abstrakteve:
Pranimi i Abstrakteve:
Programi i Avancuar:
Mbyllja e regjistrimeve:
Afati i Dorëzimit të Prezantimeve:
Afati i Dorëzimit të CV-ve:
Afati i Dorëzimit të Punimeve finale:
30 Shtator 2025
12 Shtator 2025
26 Shtator 2025
24 Tetor 2025
07 Nëntor 2025
31 Tetor 2025
27 Tetor 2025
24 Nëntor 2025
Both me and DHI colleagues that attended the conference found all the topics of very much interest and very actual. It was a greatly organized event, favorable for connecting high level experts and professionals and we look forward for our next year participation.
