Jetmir Jaha
Biography
Jetmir Jaha u lind në Gjakovë, Kosovë, më 11.10.1996. Shkollën fillore e kreu në SH.F. “Sulejman Vokshi”, Shishman dhe SH.M.U. “Zenel Sadiku”, Babaj Bokës, Gjakovë. Shkollimin e mesëm e vazhdoi në Gjimnazin “Hajdar Dushi” Gjakovë, drejtimi Shoqëror. Pastaj në vitin 2019 përfundoi Fakultetin e Ndërtimtarisë dhe Arkitekturës, dega e Gjeodezisë, në Fakultetin Teknik, Universiteti i Prishtinës “Hasan Prishtina”. Sot, është në përfundim të studimeve Master të Gjeodezisë, në Fakultetin e Inxhinierisë së Ndërtimit, Universiteti i Prishtinës “Hasan Prishtina”.
I licencuar nga Agjencia Kadastrale e Kosovës (MMPHI) si “Gjeodet i licencuar për kryerjen e shërbimeve kadastrale” për punë profesionale të KRU. “GJAKOVA” SH.A., i certifikuar edhe në fushën e prokurimit publik nga KRPP dhe IKAP. Gjithashtu, ka kryer trajnime të shumta në fushën e GIS-it, gjeodezisë dhe menaxhimit të aseteve.
Aktualisht, ai është i punësuar në Kompaninë Rajonale të Ujësjellësit “GJAKOVA” SH.A., në pozitën e zyrtarit përgjegjës të gjeodezisë, GIS-it dhe aseteve.