Behxhet Bala

Behxhet Bala, ka mbaruar studimet themelore dhe masterin (Drejtimi Penal) në Fakultetin Juridik në Prishtinë. Ai ka një eksperiencë 9 vjeçare në hartimin e legjislacionit, standardeve dhe vendimeve  rregullatore, përmes të cilave rregullohet veprimtaria e ofruesve të shërbimit të ujit në Kosovë. Po ashtu kontribut të madh ka dhënë edhe në hartimin e legjislacionit për mbrojtjen e të drejtave të të  gjitha kategorive të konsumatorëve në Kosovë. Gjithashtu, ai ka një eksperiencë të gjerë në organizimin e punëtorive duke trajnuar stafet e ofruesve të shërbimeve në Kosovë.

Nga viti 1999 deri në vitin 2009 ka punuar si Oficer i Trupave Mbrojtjes së Kosovës më gradën Nënkolonel. Ndërsa nga fundi i vitit 2009 deri në fund të vitit 2013 ka qenë Drejtor Komunal për Mbrojtje dhe Shpëtim, në Komunën e Mitrovicës.

Aktualisht, ai është Drejtor i Departamentit për Çështje Ligjore dhe Licencim në Autoritetin Rregullator për Shërbime të Ujit.