Valmir Daqaj

Valmir Daqaj ka përfunduar studimet e nivelit Master në Fakultetin e Inxhinierisë së Ndërtimit, Departamenti i Hidroteknikës, në Universitetin e Prishtinës. Ka rreth pesë vite përvojë profesionale në sektorin e ujërave, me fokus në sistemet e ujësjellësit dhe infrastrukturën ujore. Përvoja e tij përfshin projektimin hidroteknik, monitorimin e sistemeve të furnizimit me ujë dhe menaxhimin e humbjeve të ujit.

Aktualisht, punon si Inxhinier i Hidroteknikës në Departamentin e Ujit të Pijes, në KRU “Hidroregjioni Jugor” Sh.a. Në këtë pozitë, angazhohet në planifikimin dhe projektimin e infrastrukturës ujore, zhvillimin e projekteve teknike dhe përmirësimin e efikasitetit dhe qëndrueshmërisë së sistemeve të furnizimit me ujë.