Dukagjin Nishiqi

Dukagjin Nishiqi ka mbi 20 vjet përvojë në shoqëri civile, duke udhëhequr projekte zhvillimore në arsimin e mesëm dhe të lartë, turizëm të qëndrueshëm, teknologji dhe inovacion. Ai ka përfunduar Masterin në Menaxhimin e Burimeve Njerëzore dhe që nga dhjetori i vitit 2024 ushtron detyrën e menaxherit të ITUN Pejë në KRU Hidrodrini. Dukagjini është autor i punimeve shkencore në fushën e zhvillimit të qëndrueshëm dhe trajner i certifikuar për vlerësimin e ndikimit në mjedis, zhvillimin e projekteve dhe biznes-planeve. Ai ka udhëhequr gjithashtu projekte rajonale dhe ndërkombëtare, duke sjellë praktika të mira dhe zgjidhje inovative në fushat e arsimit, turizmit dhe teknologjisë. Së fundi, Dukagjini është certifikuar në kuadër të programit të RCDN WW CD Programme 1B: “Introduction to Wastewater Systems for Managers and Engineers”, duke i shtuar kështu ekspertizës së tij multidimensionale në menaxhimin e impianteve të trajtimit të ujërave të ndotura dhe zhvillimin e projekteve infrastrukturore dhe mjedisore.