Besjon Ndreu

Besjon Ndreu është inxhinier hidroteknik dhe mjedisi, me mbi dhjetë vjet përvojë në furnizimin me ujë, menaxhimin e burimeve ujore, zhvillimin e shërbimeve të qëndrueshme në shoqëritë UK dhe fushën e mjedisit. Ai zotëron diplomë Master Shkencor në Ujërat Urbane dhe Kanalizimet, me specializim në Inxhinierinë e Furnizimit me Ujë, nga IHE Delft në Holandë, si dhe diplomën Master Profesional në Inxhinieri Mjedisi nga Universiteti Politeknik i Tiranës. Ekspertiza e tij përfshin menaxhimin e kërkesës për ujë, vlerësimin e burimeve ujore nëntokësore, studime hidrogjeologjike, shfrytëzimin e burimeve ujore, proceset e trajtimit të ujit dhe monitorimin mjedisor. Ai ka kontribuar në planifikimin strategjik të burimeve ujore, nismat për menaxhimin e kërkesës për ujë në Irlandë dhe zhvillimin e programeve të trajnimit teknik për ndërmarrjet e ujësjellësit në Shqipëri.

Aktualisht, ai punon si Drejtues Teknik për Planifikimin e Prodhimit dhe Menaxhimin e Kërkesës pranë Irish Water.