Philippe Reymond

Philippe Reymond ka mbi pesëmbëdhjetë vite përvojë në fushën e kanalizimeve jo të lidhura në rrjet dhe menaxhimin e decentralizuar të ujërave të ndotura, duke punuar në shumë vende të botës. Ai ka përfunduar studimet Master në Shkenca dhe Inxhinieri Mjedisore në EPF Lausanne, Zvicër, në vitin 2008. Përveç punës në Institutin Federal Zviceran për Shkencat dhe Teknologjinë e Ujit (Eawag), ai ka punuar për tre vjet në UNHCR. Ekspertiza e tij kryesore lidhet me planifikimin urban të kanalizimeve dhe me sistemet që nuk lidhen me rrjetin kryesor të kanalizimeve. Ai është veçanërisht i interesuar në mënyrën se si mund të kombinohen sisteme të ndryshme për të rritur mbulimin me shërbime të sigurta sanitare në qytete dhe në çështjet e qeverisjes që lidhen me to. Me qendër në Cyrih, Zvicër, ai punon si këshilltar për projekte dhe programe të kanalizimeve, si dhe si trajner në këtë fushë. Ai është bashkautor i “Kompediumit të Sistemeve dhe Teknologjive të Kanalizimeve” dhe librit “Menaxhimi i Lëndëve Fekale” të Eawag-ut. Në kohën e lirë, është gjithashtu aktiv në rrjetin zviceran për kanalizime rrethore (VaLoo). Aktualisht, ai ofron shërbime konsulence për vlerësimin dhe planifikimin e shërbimeve të kanalizimeve në zonat jo të lidhura me rrjet në bashkitë Tiranë, Kamëz dhe Vorë, në bashkëpunim me ndërmarrjet e ujësjellës-kanalizimeve dhe Agjencinë Kombëtare të Infrastrukturës së Ujësjellësit dhe Kanalizimeve (AKUK). Kjo nismë financohet nga Sekretariati Shtetëror Zviceran për Çështje Ekonomike (SECO).